KSBKBT Upcoming twist : Episode ki shuruaat hoti hai jab Tulsi ladke se uske faisle ke baare mein poochti hai. Ladka batata hai ki woh bhi dahej ke khilaaf hai, lekin apne parents ke khilaaf jaane ki himmat nahi kar sakta. Tulsi saaf shabdon mein keh deti hai ki woh is shaadi ke poori tarah khilaaf hai aur ladke ke parents ko “sharam aani chahiye” kehti hai.
Tulsi, Aarti ko sambhalti hai aur har ladki ko himmat dene wali baat karti hai. Woh sabke saamne Aarti ke gun ginaati hai aur use shaadi todne ke liye encourage karti hai. Aarti aansu pochhti hai, himmat jutati hai aur ladke ko apni ring wapas kar deti hai. Woh ladke ko kehti hai ki ring bech kar paise rakh le. Aarti ke father ladke ke gharwalon ko rokne ki koshish karte hain, lekin Aarti unhe mana kar deti hai. Groom ka parivaar mandap chhod kar chala jaata hai.
Udhar Mihir ko ek aadmi se pata chalta hai ki Aarti ki shaadi dahej ki wajah se toot gayi. Aarti ki maa bechain ho jaati hai. Mihir Aarti ke ghar pahunchta hai aur unhe samjhata hai ki woh ladka unki beti ke layak nahi tha. Mihir, Aarti ke faisle ki tareef karta hai aur use apna aashirvaad deta hai. Aarti ka parivaar Mihir ka shukriya ada karta hai aur Tulsi ko Aarti par garv hota hai.
Tulsi, Vaishnavi ko keh deti hai ki Aarti ke saamne is baat ka koi zikr nahi karega. Vaishnavi design book lene jaati hai. Mihir chala jaata hai aur baad mein Tulsi ko Aarti se pata chalta hai ki ek aadmi ne unke parivaar ko samjhaya tha aur blessings bhi di thi. Tulsi us aadmi se milna chahti hai, lekin woh pehle hi ja chuka hota hai.
Isi beech Vaishnavi ko pata chalta hai ki uski design book gayab hai. Pandit ji batate hain ki ek ladki aur do ladke darshan ke liye aaye the. Vaishnavi bhaag kar unhe dhoondhne jaati hai aur Parth ki mulaqat Mihir se hoti hai.
Udhar Ritik, Mitali ka wait kar raha hota hai. Mitali phoolon ki thali le kar aati hai. Miya unhe jaldi karne ko kehti hai aur Ritik ko kuch gadbad lagti hai. Vaishnavi wahan pahunchti hai, tabhi Mitali Parth aur Ritik ke saath chali jaati hai. Vaishnavi Mihir se madad maangti hai. Mihir use tasalli deta hai aur apna card deta hai, jisme likha hota hai ki woh kahan stay kar raha hai.
Raste mein Ritik gaadi rukwa deta hai aur Mitali par design book churaane ka ilzaam lagata hai. Ritik ko samajh aa jaata hai ki Mitali ne aarti mein ruk kar sirf file churaane ke liye natak kiya tha. Ritik gusse mein Mitali ko sharminda hone ko kehta hai. Mitali use mana karti hai aur Ritik aur zyada bhadak jaata hai. Woh gaadi se utar jaata hai. Parth use rokne ki koshish karta hai, lekin Mitali driver ko gaadi chalane ko keh deti hai.
Wapas Tulsi, Vaishnavi ko sambhalti hai aur kehti hai ki woh bahut talented hai. Tulsi use yaqeen dilati hai ki file wapas mil jayegi aur Kriti ko pani laane bhejti hai.
Ritik mandir pahunch kar bhagwan se kehta hai ki uski zindagi khatam kar de, kyunki woh apne aap ko loser samajhne laga hota hai. Woh kehta hai ki woh Mitali ke saath nahi rehna chahta. Udhar Tulsi, Vaishnavi ko Madhav ji par bharosa rakhne ko kehti hai aur use ladoo ke saath pani pilati hai. Kriti Tulsi ko batati hai ki ek aadmi ro raha hai. Tulsi madad ke liye jaati hai aur Kriti ko kehti hai ki us aadmi ko ladoo dekar himmat de.
Kriti, Ritik ke paas jaati hai aur use ladoo deti hai. Woh use kehti hai ki Madhav ji ka naam le aur umeed na chhode. Ritik poochta hai ki kya uski aunt use jaanti hai. Kriti batati hai ki yeh uski aunt ke haath ka bana ladoo hai. Jaise hi Ritik tiffin kholta hai, ladoo ki khushboo use apni maa ki yaad dila deti hai. Woh emotional ho jaata hai aur apni maa ko yaad karne lagta hai.
